"މިނިވަން ނިއުސް" ވެބްސައިޓްގެ އެޑިޓަރ މަރިޔަމް އޮމައިދީ ޑީޕޯޓްކުރުމަށް ގޮވާލައިފި
ޙާމިދު - ހާމަނޫސް
ރާއްޖޭގައި އިސްލާމްދީނާއި ތަޢާރުޟުވާ ލާދިނީ ހަރަކާތްތަކަށް ހިތްވަރުދޭ ލިޔުންތަކެއް ރާއްޖޭގެ ޚަބަރުތައްގެނެސްދޭ އޮންލައިން ނޫހެއްކަމަށްވާ "މިނިވަން ނިއުސް" ވެބްސައިޓްގެ އެޑިޓަރ މަރިޔަމް އޮމައިދީ ލިޔަމުންދާކަމަށް ތުހުމަތުކޮށް، އޭނާއާއި ދެކޮޅަށް ފިޔަވަޅުއެޅުމަށް ރާއްޖޭގެ އަމިއްލަ ޖަމްއިއްޔާއަކުން އަނެއްކާވެސް ސަރުކާރަށް ގޮވާލައިފިއެވެ.
ދަރުބާރުގޭ ފަންސަވީހުގައި މިއަދު ބޭއްވި ނޫސްކޮންފަރެންސެއްގައި "އިސްލާމިކް ފައުންޑޭޝަން އޮފް ދަ މޯލްޑިވްސް" ނަމަކަށްކިޔާ މިޖަމާއަތުން ސަރުކާރަށް ގޮވާލީ، މިލިޔުންތެރިޔާ ރާއްޖެއިން ޑިޕޯޓްކުރުމަށެވެ. މީގެކުރިންވެސް އިސްލާމްދީނުގައި ކަނޑައެޅިފައިވާ ހައްދުޖެހުމުގެ ހުކުމާއިދެކޮޅަށް އޭނާ ލިޔެފައިވާ ލިޔުމަކާއިގުޅިގެން އޭނާ ޑިޕޯޓްކުރުމަށް ގޮވާލައި މާލޭގައި މުޒާހަރާއެއް ކޮށްފައިވެއެވެ.
އިސްލާމިކް ފައުންޑޭޝަން އޮފް ދަ މޯލްޑިވްސްއިން ތުހުމަތުކުރަނީ، އެއްޖިންސުން ގުޅުން ހިންގުމަށް ބާރުއަޅާ ލިޔުންތައް އޭނާގެ އެޑިޓަރުކަމުގެ ދަށުގައި މިނިވަން ނިއުސް ވެބްސައިޓްގައި ޝާއިއު ކުރަމުންދާކަމަށެވެ.
"މިނިވަން ނިއުސް" ވެބްސައިޓްގެ އެޑިޓަރ މަރިޔަމް އޮމައިދީ އާއިމެދު ފިޔަވަޅު އެޅުމަށްޓަކައި ފުލުހުންނާއި އަދި ކަމާއިގުޅޭ ދާއިރާތަކަށް ހުށައަޅާފައިވާނެކަމަށާއި، ފުލުހުންގެ ޖަވާބެއް ލިބުމުން އިމިގްރޭޝަނަށް މިމައްސަލަ ހުށައަޅާނެކަމަށްވެސް އެޖަމްއިއްޔާގެ އިސް ތަރުޖަމާނު އަހުމަދު ޝާއިން މިއަދު ވިދާޅުވިއެވެ.
އިސްލާމިކް ފައުންޑޭޝަން އޮފް ދަ މޯލްޑިވްސްއިން ތުހުމަތުކުރަނީ، އެއްޖިންސުން ގުޅުން ހިންގުމަށް ބާރުއަޅާ ލިޔުންތައް އޭނާގެ އެޑިޓަރުކަމުގެ ދަށުގައި މިނިވަން ނިއުސް ވެބްސައިޓްގައި ޝާއިއު ކުރަމުންދާކަމަށެވެ.
"މިނިވަން ނިއުސް" ވެބްސައިޓްގެ އެޑިޓަރ މަރިޔަމް އޮމައިދީ އާއިމެދު ފިޔަވަޅު އެޅުމަށްޓަކައި ފުލުހުންނާއި އަދި ކަމާއިގުޅޭ ދާއިރާތަކަށް ހުށައަޅާފައިވާނެކަމަށާއި، ފުލުހުންގެ ޖަވާބެއް ލިބުމުން އިމިގްރޭޝަނަށް މިމައްސަލަ ހުށައަޅާނެކަމަށްވެސް އެޖަމްއިއްޔާގެ އިސް ތަރުޖަމާނު އަހުމަދު ޝާއިން މިއަދު ވިދާޅުވިއެވެ.
No comments:
Post a Comment