ޖާރިޔާ ޖާރިޔާ ޖާރިޔާ
އިބްނު ޢަލީ
މިހާރަކަށް އައިސް އެންމެގިނައިންއިވޭ އެއްއަޑަކީ ދިވެހިރާއްޖޭގައި ޖާރިޔާއިން ގެންގުޅޭ ވާހަކަ ދައްކާ އަޑެވެ. މިހާވަރަށް މިވާހަކަ ދެކެވެނީ ފަހަރެއްގައިވެސް އަންހެންކުއްޖަކު އަޅުވެތިކޮށްގެން ގެންގުޅޭތީ އެއްނޫނެވެ. މިކަންކުރާކަމަށް މިވާހަކައިގައި ކިޔަނީ ދިނީގޮތުން ވަކިފިކުރެއް ގެންގުޅޭ ބައެއްކަމަށް ވީތީއެވެ. މިވާހަކަ މުޖުތަމައު ތެރޭގައި ފަތުރަން އެންމެގަދައަށް ފޫގަޅައިގެން އުޅޭތީ ފެންނަނީ އިސްލާމްދީނަށް ފުރައްސާރަކުރާ މީހުންނެވެ. ހިއްލަތު ރަޝީދު، މާޅޮހު ނަސީރު އަދި ހިއުމަންރައިޓްސް ކޮމިޝަންގެ އިތުރުން އާޒިމާ ފަދަ މީސްމީހުނެވެ.
މީގެ އެންމެ ހެއްވާކަމަކީ މިޖާރިޔާ އަކާއިބެހޭ އެއްވެސް މައުލޫމާތެއްދޭކަށް މީންއެކަކަށްވެސް ނުކެރެއެވެ. އެވެނިމީހާ ކައިރީ މިވެނިމީހާބުއްޏޯލައެވެ. އެވެނި ހޮސްޕިޓަލަކަށް ގެންދިޔަޔޯލައެވެ. މިވާހަކަ ދައްކާމީހުންގެ މަޤްސަދަކީ ފަހަރެއްގައިވެސް މުޖުތަމައުތެރޭގައި ނުބައިކަމެއްހިގާތީ ކަންބޮޑުވެގެނެއްނޫނެވެ. އެހެންނަމަ ދައްކާނެ ސާބިތުހެކިހުރި ބައިވަރު ކަންތައް އެބައޮތެވެ. 18 އަހަރުންދަށުގެ 85 ވަރަކަށް އަންހެނުން ބަލިވެއިންތޯ ބެލުމަށް އަޖިއެމްއެޗްގައި ޓެސްޓްހެދިވާހަކަ އެއީ އެހޮސްޕިޓަލުން ޔަޤީން ކޮށްދޭ ކަމެކެވެ. އެކަމަކު މިމީހުނަކަށް އެއީ މަސްއަލައަކަށް ނުވެއެވެ. ދާދިފަހުން މާލޭގައި ޒުވާނަކު ރަހީނުކޮށްގެން އެތައްއަނިޔާއެއް ކުރުމަށްފަހު އެތައްހާސް ރުފިޔާއެއް ފޭރިގަތްކަން އެއީ ފުލުހުން ޔަޤީން ކޮދީފައިހުރި ކަންތަކެވެ. ކަޓަރުއެޅުމާއި ފޭރުން އެއީ ކޮންމެދުވަހަކު ހިގާކަންތައްތައްކަމަށް ހުރިހާ ދިވެހިން ހެކިވާނެއެވެ. ބަލިވެއިނުމުގެ ސަބަބުން ދަރިވައްޓާލަނީ ކިތައްއަންހެނުންތޯ ބަލަން އިންޑިއާ ސިލޯނުގައި ސާވޭއެއް ކުރަންވީނޫންހެއްޔެވެ. ވައްކަމާއި ފެރުން މިޤައުމުގައި ނެތީހެއްޔެވެ. މިހިރަކަންތައްތަކަކީ އިންސާނީހައްޤުތަކާއި ގުޅުންހުރި ކަންތަކަށް ނުވަނީހެއްޔެވެ. އިސްލާމްދީނުގައި މިކަންތައް ހުއްދައީހެއްޔެވެ. މިވާހަކަ ދައްކަން ނުވަތަ ލިޔަން ނޭގުނީބާވައޭ ހިތަށްއަރައެވެ. ބަލަތިޔަ ޖާރިޔާއެއް ގެންގުޅޭކަން ޔަޤީންވާއިރު އެކަންސާބިތުކޮށްދޭން ފަސްޖެހެނީ އެކަންކުރުވަނީ ތިޔަބައިމީހުންކަމަށް ވެގެންހެއްޔެވެ. ނުވަތަ އެކަމަށް ދެވޭތަރުހީބެއްގެ ބޮޑުކަމުން ބާވައެވެ. ބަލަ ކިތައްމެގިނައިން ތިޔަވާހަކަ ދެއްކިއަސް އެކަމުން އިސްލާމްދީނަށް އެއްވެސް އުނިކަމެއް ތިޔަބައިމީހުނަށް ނުދެވޭނެއެވެ. ހަނދާ ދިމާއަށް ކިސަޑުއުކީމައި އެކިސަޑުއައިސް ޖެހޭނީ އެންމެފަހުން ތިމާގެ މޫނުގައިކަންވެސް ނުވިސްނެނީ ހެއްޔެވެ.
ހިއުމަންރައިޓްސް ކޮމިޝަނުގެ ވެރިންނާއި އަދިވެސް މާލޭގައި ޖާރިޔާއެއް ގެންގުޅޭކަން އެގޭކަމަށް ބުނާމީހުން ބަންދުކޮށްގެން ނަމަވެސް އެކަމުގެ ހަޤީގަތް ހޯދައި އެކުއްޖާ މިނިވަންކޮށް އަދި އެކަންކުރިމީހަކު ނުވަތަ ބަޔަކު ޝަރީއަތަށް ހާޒިރު ކޮށްދިނުމަށް ދިވެހި ފުލުހުންނަށް އިލްތިމާސް ކުރަމެވެ. އަދި މިކަންސާބިތު ކޮށްދިނުކުގައި މިމީސްމީހުން ނުކުޅެދިއްޖެނަމަ މުޖުތަމަޢުގައި މިފަދަ ނުބައިވާހަކައެއް ފެތުރީތީވެ މިބައިމީހުންގެ މައްޗަށް ޝަރީޢަތް ކުރުމަށްވެސް ގޮވައިލަމެވެ.
ހިއުމަންރައިޓްސް ކޮމިޝަނުގެ ވެރިންނާއި އަދިވެސް މާލޭގައި ޖާރިޔާއެއް ގެންގުޅޭކަން އެގޭކަމަށް ބުނާމީހުން ބަންދުކޮށްގެން ނަމަވެސް އެކަމުގެ ހަޤީގަތް ހޯދައި އެކުއްޖާ މިނިވަންކޮށް އަދި އެކަންކުރިމީހަކު ނުވަތަ ބަޔަކު ޝަރީއަތަށް ހާޒިރު ކޮށްދިނުމަށް ދިވެހި ފުލުހުންނަށް އިލްތިމާސް ކުރަމެވެ. އަދި މިކަންސާބިތު ކޮށްދިނުކުގައި މިމީސްމީހުން ނުކުޅެދިއްޖެނަމަ މުޖުތަމަޢުގައި މިފަދަ ނުބައިވާހަކައެއް ފެތުރީތީވެ މިބައިމީހުންގެ މައްޗަށް ޝަރީޢަތް ކުރުމަށްވެސް ގޮވައިލަމެވެ.
No comments:
Post a Comment