ޖާރިޔާ ފެނުނު އިރު ހިއްލަތާއި އާޒިމާ އަދި ހިއުމަންރައިޓްސްގެ ދޮގުބޮނޑި ފަޅާއަރައިފި
ސަންގޯރު
ޖާރިޔާއޭ ކިޔައިގެން މީޑިޔާގައި މެދުނުކެނޑި، ސިޔާސީ މަޤްޞަދުތަކެއް ޙާޞިލްކުރުމަށްޓަކައި ފެތުރި ދޮގު ބޮނޑީގެ ޙަޤީޤަތް ފަޅާއެރި އިރު މަޝްހޫރު ފިރިހެން ކުޅި ބްލޮގަރ ހީލާތުގެ ހީލަތްތެރިކަން ހާމަވެ، ކުރީގެ އެޓަރނީ ޖެނެރަލް އާޒިމާ ޝަކޫރުގެ ދޮގުވެރި ދޫ ބޭޒާރުވެ، ރާއްޖޭގައި ހިއުމަން ރައިޓްސްއޭ، އިންސާނީ ޙައްޤުތަކޭ ކިޔައިގެން އެންމެ ފުޅާ ދާއިރާއެއްގައި އަނގަ އަރުވާ ހިއުމަން ރައިޓް ކޮމިޝަން ދިވެހި ރައްޔިތުންގެ ކުރިމަތީގައި ދުވަހަކުވެސް ނުވާފަދަ ފަޟީޙަތްވުމަކުން ފަޟީޙަތްވެ ބޭޒާރު ވެއްޖެއެވެ. މިފަހަރު އިސްލާމިކް މިނިސްޓްރީއާއި އެ މިނިސްޓްރީގެ ސްޓޭޓްމިނިސްޓަރ ޝައިޚް މުޙައްމަދު ޝަހީމް ޢަލީ ސަޢީދު އަދި މިނިސްޓަރ ޑޮކްޓަރ ޢަބްދުލް މަޖީދު ޢަބްދުލްބާރީމެންގެ ތެދުވެރިކަމާ އިޚްލާޞްތެރިކަން ރައްޔިތުންގެ ކުރިމަތީގައި ވަރަށް ރަނގަޅަށް ޘާބިތުވެގެން ހިނގައްޖެއެވެ.
މިކަމުގެ ޙަޤީޤަތް ހާމަވުމުން، މިހާރު ޖާރިޔާއިންނޭ ކިޔައިގެން މެދު ނުކެނޑި އަނގަތެޅި ސަދޫމު ކުޅި ހިއްލަތާއި އާޒިމާ ޝަކޫރާއި ހިއުމަން ރައިޓްސް ކޮމިޝަންގެ އަނގަ ޗޭވެ، ހުތްވެ، ބުނާނެ އެއްޗެއް މިހާރު ވަނީ ނޭނގިފައެވެ. އެހެންނާ ފަހެ ދެން ކިޔާނީވެސް ކީކޭ ހެއްޔެވެ؟ މިއޮތީ ކަމުގެ ޙަޤީޤަތް ދިމާއަށް ފެންނާށެވެ. މިއޮށް ހުރިހާ ދުވަހު ޖާރިޔާއޭ ކިޔައިގެން މީޑިޔާގައި ދޮގު ވާހަކަތައް ފަތުރާ މިއުޅުނު އެބުނާ ޖާރިޔާއަކީ މީހަކާ އިނދެގެން އުޅޭ އަންހެން ކުއްޖެކެވެ. އެކުއްޖާ ކައިވެނި ކުރީ އިންޑިޔާގައެވެ. އިންޑިޔާގައި ކައިވެނި ކޮށް، ދިވެހި ރާއްޖޭގައި ކައިވެނި ރަޖިސްޓަރީ ނުކޮށް ވަރަށް ގިނަ ދިވެހިން އުޅެއެވެ. އެ އެންމެންނަކީވެސް ޖާރިޔާއިން ކަމުގައި ވާނަމަ، މިހާރު ހާދަހާ ގިނަ ޖާރިޔާއިން މިރާއްޖޭގައި ތިބޭނެތާއެވެ. ސ އަތޮޅު މަރަދޫ ކަތީބު ފައިސަލް އުޅެނީ ކަތީބާ އަމީޒާއާ އިންޑިޔާގައި މިިކަހަލަ ކައިވެންޏެއް ކޮށްގެންނެވެ. އެހެންކަމަށް ވާނަމަ މި އަމީޒާއަކީވެސް ޖާރިޔާއެއް ނޫންބާއެވެ؟
އައިޖީއެމް އެޗަށް ތިޔަ ބުނާ ޖާރިޔާ ދެއްކި ޑޮކްޓަރ ރާއްޖޭގެ މީޑިޔާގެ އިންސާފެއް ނެތް ކަމާމެދު ހިތާމަކުރިއެވެ. އޭނާ ކިޔައިދިން ގޮތުގައި އޭގެ ދެތިން ދުވަސްފަހުން އުމުރުން 10 މަހުގެ އަަންހެން ކުއްޖަކު ޖިންސީ ގޯނާ ކޮށްގެން، އައިޖީއެމް އެޗަށް، ހަމަ އެޑޮކްޓަރަށް ދައްކާފައިވެއެވެ. އޭނާ ކިޔައިދިންގޮތުގައި އެ ކުއްޖާއަށްވަނީ "ވަރަށް ބޮޑުވަރު ކޮށްލާފައެެވެ". ބަލަ މިވާހަކަ ކަލޭމެން ނުލިޔަނީ ކީއްވެހެއްޔެވެ؟ މިއީ ހަމަ ޙަޤީޤަތެވެ. ތޯތޯ ވާހަކައެއް ނޫނެވެ. އެ ޑޮކްޓަރު ކުރެން އައްސަވާށެވެ. ނުވަތަ އައިޖީއެމްއެޗްގެ ރިކޯރޑްތައް ބައްލަވާށެވެ. ހިއުމަން ރައިޓްސް ކޮމިޝަންއެވެ؟ މިދެންނެވި ދިހަމަހުގެ ކުއްޖާގެ ރައިޓްސް ކޮބާތޯއެވެ. ކަލޭމެން ދިރުވާލީހެއްޔެވެ؟
ހިއުމަން ރައިޓްސް ކޮމިޝަންގެ ފެންވަރު ވަރަށް ރަނގަޅަށް މިއޮތީ ފެންނާށެވެ. ސަލީމްއާއި ޒާހިދުމެންގެ ފެންވަރުވެސް ރައްޔިތުންނަށް މިއޮތީ އެނގޭށެވެ. ގަދަ ހަދަ ހަދާފައި މާލޭގައި ޖާރިޔާ އެބަ ގެންގުޅެޔޭ ކިޔައި ދޮގު ހެދީއެވެ. ތިޔައީ ދޮގު ބޮނޑި ކޮމިޝަނެވެ. ރައްޔިތުންގެ އިތުބާރު ގެއްލިފައިވާ ، ޢިއްޒަތާއި އަބުރު ވެއްޔާ މޮޑެވި، އަމިއްލަ އެދުމުން ފޯވެފައިވާ ނަމެއްގައި އޮންނަ، ރައްޔިތުންގެ ފައިސާއިން ބޮޑު މުސާރަކާ ކޮމިޝަނެކެވެ. އެހެންނާ ފަހެ، މައުމޫނު ސަރުކާރުގެ ދުވަސްވަރު ރާއްޖޭގެ ޖަލެއްގައި އެއްވެސް ޙައްޤަކާ ނުލައި ހައްޔަރުކޮށް، ހަރުކަށިވެގެންވާ އަނިޔާކުރި، ޗައިނާގެ ރައްޔިތަކު އޭނާގެ މައްސަލަ ބަލައިދިނުމަށް ހިއުމަންރައިޓްސް ކޮމިޝަންގައި އެތައް ސަތޭކަ ފަހަރު އެދިފައިވާއިރުވެސް ތިޔަ ކޮމިޝަންވަނީ އެކަމަށް ނުކުޅެދިފައެވެ. ތިޔައީ ނަމެއްގައި ރައްޔިތުންގެ ލޮލުގައި އަނދުން އެޅުމަށްޓަކައި ހަދާފަ ހުންނަ ކޮރަޕްޓް ކޮމިޝަންތަކެވެ.
ރާއްޖޭގައި އެންމެ ޒިންމާދާރު ނޫސްވެރިކަމެއް ކުރާ ކަމަށް ދަޢުވާ ކުރާ ހަވީރު ނޫސް މިކަމުގައި ދިވެހިރައްޔިތުންގެ ކިބައިން މަޢާފަށް އެދެންޖެހޭނެއެވެ. ޖާރިޔާގެ ވާހަކަ މީޑިޔާގެ ސަމާލުކަމަށް ގެނައުމުގައި އެންމެ ބޮޑު ދައުރެއް އަދާކުރީ، ހަވީރު ނޫހާއި ދަށުންދަމާ ކުޅޭ ހިއްލަތުގެ ބްލޮގެވެ. އަދިވެސް ތިޔަ ކުރަނީ ޒިންމާދާރު ނޫސްވެރިކަމެވެ. އެއްވެސް ކުށެއް ނެތް އިންސާނަކު ފަޟީޙަތްކުރީއެވެ. އަދި ކޮމެންޓެއް ދިނަސް އެއްކޮޅަށް ދޭ ކޮމެންޓް ނޫނީ ޝާއިޢު ނުކުރެއެވެ. އަޚްލާޤީ މިންގަނޑު ގެ ތެރެއިން ރިވެތިކޮށް ކަމުގެ ޙަޤީޤަތް ބަޔާންކޮށް ލިޔެފައިވާ އެތައް ކޮމެންޓެއް ހަވީރުގައި ނުޖަހާވެއެވެ. މިއީވެސް ޒިންމާދާރު ނޫސްވެރިކަމެވެ. ކޮމެންޓަތައް ޝާއިޢުކުރީމާ ވާގޮތަކީ އަމިއްލައަށް ބޭޒާރުވަނީއެވެ.
ފާޅުގައި ފިރިހެން ކުޅިއަށް ގޮވާ ހިއްލަތުމެންގެ ގޮވާލުންތައް މީޑިޔާގެ ބީރު ކަންފަތަކަށް ނީވެއެވެ. ހިއްލަތުގެ ފިރިހެން ކުޅި ބްލޮގްގެ މައްސަލާގައި ހިއުމަންރައިޓްސް ކޮމިޝަންގެ ކަންފަތަށްވަނީ ތިމަރަ އެޅިފައެވެ. ވާނީވެސް އެހެންތާއެވެ؟ ރައިޓްސް ބޮނޑިވަރު އޮންނަނީ ހަމަ އެކަނި ފިރިހެން ކުޅިންނާއި އަންގެން ކުޅިންނާއި، ކުށްވެރިންނާއި، މަސްތުވާތަކެތި ބޭނުންކުރާ މީހުންނާއި ވައްކަންކުރާ މީހުންނާއި މާރާމާރީ ހިންގާ މީހުންގެ އެކަންނެވެ.
ވިސްނާށެވެ. ޢިބުރަތް ޙާޞިލްކުރާށެވެ. ﷲ ސުބުޙާނަހޫ ވަތަޢާލާގެ ދީނަށް ފުރައްސާރަކުރަން އުޅޭ ކޮންމެ ބަޔަކަށް ލިބޭނީ ތިޔަކަހަލަ ލަނޑެވެ. ފަޟީޙަތްވާނީއެވެ. ބޭޒާރު ވާނީއެވެ. ދެންވެސް އަނގަ މަޑުންލައިގެން ތިބޭށެވެ. ތައުބާ ވާށެވެ. ﷲ ގެ ދީނަށް ފުރައްސާރަކުރުން ހުއްޓާލާށެވެ. ކަންކަމުގައި ޙަޤީޤަތް ނުބަލާ މީހަކު އެއްޗެކޭ ބުނާއިރަށް، ތިމާ ވަރުގެ މީހެއް ނެތިގެން، އެހެން މީހުންގެ އެޓެންޝަން ހޯދުމަށްޓަކައި ދޮގުވާހަކަ ފަތުރާ ނުހަދާށެވެ.
މި ލިޔުން ޖިބުއެޔަށް ކަމުގޮއްސި. އުފާވެގެން ހިނިއަތުވެއްޖެ. ވަރަށް ފުރިހަމަ. ތިޔައަކުދެން މަ އިތުރުކޮށްލާނެ ތަންކޮޅެއްވެސް ނެތް އަމްދަކުން. މިއީ ހަމަ އަޅުގަނޑު ޖިބުއެ ޒިޔާރަތް ކުރިކަން އެންމެހާ މީސްތަކުންނަށް އެންގުމުގެ ގޮތުން ލިޔެލި ކޮމެންޓެއް.
ReplyDeleteraajeyga gaanoonaa gavaaidhaa khilaafah ashaara aharunuva lhakujjaka ziney koffa faadu faadu aga naaruvaa thibeyhushi
ReplyDeletemeehunnaa indhegen hingaa ambi firikamuge gulhumakee ziney tha???? alifu baa jahan dheybala mihira jaahilu kaleyge...
ReplyDeletedheenaa khilaafu hurihaa kamea koefa, dheenae furassaara koefa dhenves bunaane thimanna mee MUSLIMEKEY. kba tha LADHU. :@
ReplyDeletebala, jaariyaa ehge vaahaka dheh kumuga mi goasvee evaahaka dhehki meehun dho, jaariyaa ekey kiyenfeshee doc ah dhahkan ai anhen meeha buniehchakun kamh lafaa kurevenee, ehen noon nama jaariyaa ekey nukiyunis, mikamuga siyaasee beynumeh oi kamakah lafaa nukurevey, miliyumuga varah bodah zaatheegothun dhimaakoh varah bey adhabee bas thah ebahuri,
ReplyDeletehope the news is true ..
ReplyDeletezaathee vumakee koba? Allah ge dheenah furassara kurumah vure bodu zathee vumeh kobaibaa... bala dhirun dhevva rizq dhevva ilaahah haraan koaruvumah vure bodu jareemaa eh kobaa... sunnathah ulhen masakkai kuraa meennai dhimaalah vahhabbin ey kiyaa kuraa comment thakaky kon sulooky mingandeh huri bayaku post kuraa echcheh...
ReplyDeleteThe fact that DRP, Human Rights Commission and Haveeru decided to take the word of someone like Hilath Rasheed, an apostate who is now widely discredited amongst Maldivian Muslims, says a lot about these people. They are ready to sell their dheen just to gain political benefits. I've lost any shred of respect I may have had for them.
ReplyDeleteAnd yes, you're absolutely right about Haveeru's double standards when it comes to posting reader comments. They are always harping on about 'freedom of speech' but never let any negative, reasoned out comments from getting posted.